Нашақорлықтың алдын алу

Қонаев ауылы, Төле би атындағы орта мектебінде 1 желтоқсан – Дүниежүзілік ЖИТС- ке қарсы күрес күніне орайластырылған АИТВ- инфекциясының алдын алу бойынша айлығы жүргізіліп жатыр. Осы айлықтың жоспары бойынша ДҚТІЖО А.Джуаспаева және  ұлдар клубының жетекшісі Н.Бауыржанның ұйымдастыруымен 6,7 сынып оқушыларымен кездесу өтті. Кездесуде жасөспірімдер арасында есірткі қылмыстарының және нашақорлықтың алдын алу, зиянды заттардың адам ағзасына әсерін (спайс, тұздар, вейп, электронды темекі, есірткі түрлері), әлеуметтік желі арқылы жасалатын қылмыстар, оның жастардың болашағына әсері жайлы ақпарат және балалар қойған сауалдарға жауаптар берілді. Кездесу барысында «Вейп пен спайс » тақырыбына арналған өмірден алынған оқиға негізінде түсірілген кинофильмнен үзінді көрсетілді.