04
октябрь
2023
«Ардагер ұстаздар-асыл жандар»
Ағымдағы жылдың 3 қазан күні Дінмұхамед Қонаев атындағы орта мектебінде жас мұғалімдер мен ардагер ұстаздардың қатысуымен «Ардагер ұстаздар-асыл жандар» тақырыбында сыр сұхбат ұйымдастырылды.
Ардагер ұстаздар ұлағатты еңбек жолынан тәжірибелерін бөлісіп, жас мұғалімдермен әңгіме өрбітіп, сұрақтарына жауап беріп, пікір алысты.
Білім беру саласындағы ұзақ жылғы жемісті еңбектері және жас ұрпақты оқыту мен тәрбиелеуде біраз жетістіктерге жеткен аяулы ардагер ұстаздарымызға мектеп оқушылары мерекелік көңіл-күй сыйлады. Жас маман, тарих пәнінің мұғалімі-Н.Қиғамбек ұстаздарға арнап өзінің арнау өлеңін оқыды.
Ұрпақтар сабақтастығының тәрбиедегі маңыздылығына басымдық берілген сыр сұхбаттан ізбасар мамандар мол мағлұмат алып, мұғалімдік қызметтеріне шабыттанып қайтты.
][video=][video=]