«Балаларға қуаныш сыйла» қамқорлық акциясы

 

 

 

 

 

 

 

 

 

«Балаларға қуаныш сыйла» қамқорлық акциясы
Егеменді еліміздің жыл өткен сайын экономикалық жағдайының көтеріліп, жылдан-жылға мемлекет тарапынан әлеуметтік салаға қамқорлықтың өсіп отырғанын, Қазақстан осы көрсеткіштер бойынша ТМД елдері арасында алдыңғы орынға шыққанын білеміз.Балалар қоғамдағы материалдық-әлеуметтік жағдайды жақсы сезінеді.Олардың күнделікті өмірдегі жетіспеушілік пен әлеуметтік теңсіздікті сезінбей,басқалардан кем болмау үшін неғұрлым көбірек мақсатты тәрбие жұмыстарын жүргізу қажет.
Осы орайда біздің Жамбыл облысы, Шу ауданы, Қонаев ауылы, Төле би атындағы орта мектебінде түрлі іс-шаралармен бірге қамқорлық акциялары жиі өткізіледі. Соның дәлелі «Балаларға қуаныш сыйла» қамқорлық акциясы.
Акцияның мақсаты: Оқушылардың әлеуметтік жай-күйін тануға, балалардың денсаулығы, сабаққа келуіне жағдай жасауға олардың санасына мейрімділік, қайрымдылық ұғымдарын қалыптастыра отырып,кішіпейілділікке,бауырмалдыққа баулу.
Бұл акцияға демеушілік көрсеткен «Жақсының жақсылығын айт нұры тасысын» деген халық арасындағы сөзді тілге тиек ете отыра мектептегі көмекке мұқтаж жандарға үнемі қол ұшын беріп жүрген ауылдағы демеуші азаматтар: Б.Қайранов,А.Болатова, Ж.Оспанов,М.Садырбаев,Т.Дүйсенбаев,Б.Тагиров, А.Сәрсенбаева ,мектеп мұғалімдері: К.Кезеңғараева, М.Султанова, Б.Тазабекова,А.Рашидоваларға және мектеп ұжымы мен мектеп ата- аналарына алғысымыз шексіз. Акцияға жиналған қарыжы көмекке мұқтаж болған қиын жағдайға тап болған 5сынып оқушысы Башатов Юсуфқа, көп балалы отбасынан шыққан 5сынып оқушылары Бөлекбай Ақнұр мен Арнұрға, 6 сынып оқушысы Тілеуберді Дарынға,1сынып оқушысы Мананова Севдалардың ата-аналарына табыс етілді.
Кеш соңы адам жанына рухани азық болатын видеороликтер көрсетіліп,соңы концерттік бағдарламаға ұласты.