22- наурыз - "Ұлыстың ұлы күні-Наурыз" күніне өткізілген іс-шаралар
22- наурыз - "Ұлыстың ұлы күні-Наурыз" күніне өткізілген
іс-шаралар
Наурыз айынан бастап мектебімізде Ұлыстың ұлы күні наурыз күніне әр түрлі іс-шаралар атқарылды. Соның бірі 11 наурыз күні «Наурыз - жыл басы» тақырыбында кітапханашылар К.Хасенова, З.Саулебаеваның ұйымдастыруымен көрме қойылды.
12 наурыз күні «Наурыз келді-көктем келді» 3 «а» сыныбы сынып жетекшісі Г. Жолдыбекованың дайындауында ашық тәрбие сағатын өткізді. Ашық тәрбие сағатында оқушылар өлең оқып, ән айтып, би биледі.
12 наурыз күні орыс 2 «д» сыныбында сынып жетекшісі Г.Нурелованың ұйымдастыруымен «Праздник добра-Наурыз» тақырыбында ашық сынып сағатын көрсетті.
14-наурыз «Наурыз-көрісу күні» болып белгіленіп, амандық-саулық сұрасу күні 1-11 сыныптар аралығында сынып сағаттары өткізілді.
15-наурыз "Тағзым" күні болып белгіленіп, құран бағышталып, қарияларға көмек беріледі (үйлерін, аулаларын, тазалау; т.б.) жұмыстары жүргізілді
16-наурыз "Алас күні" "Алас, Алас!" тақырыбы аясында мектеп ұстаздары мен жас маман ұстаздардан құралған мүшелер тобы мектеп ауласына ағаш егіп, тазалық жұмыстарын жүргізді.
17-наурыз "Мейірім күні" "Мейірімділік жүректен" мереке қарсаңында көп-балалы аналарға, әлеуметтік ахуалы төмен отбасыларға, көмекке мұқтаж мүгедек жандарға қайырымдылық іс-шараларды жүзеге асырылды.
18-наурыз "Ынтымақ" күні "Қош келдің-Наурыз" этно-мәдени мен этнос өкілдерінің салт-дәстүрлерін насихаттау барысында 7-8 сыныптар арасында сынып сағаттары өткізілді.
19-наурыз "Жаңғыру" күні "Армысың, әз Наурыз!" тақырыбында 9 сыныптар арасында сынып жетекшілер сынып сағаттары өткізілді.
20-наурыз "Береке" күні "Наурыз-думан" тақырыбында 10 сыныптар арасында да сынып сағаттары өткізілді.
20 наурыз күні мектепте "Наурыз құтты болсын" тақырыбында мектеп ұжымы ұйымдастырған мерекелік іс-шара жасалып, көже пісіріліп, құран бағышталып және оқушылардың дайындаған мерекелік концерті ұйымдастырылды. Іс-шараға арнайы ауыл әкімшілігі, аз қамтылған отбасы лары, ауыл ақсақалдары, зейнеткер ұстаздар шақырылды. Мектеп ұстаздары, ұжым бірлесе отырып көже дайындап, дайындалған көжеден дастарханнан қонақтар дәм татып, өз тілектерін лебіздерін білдіріп, ризашылықпен қайтты.
