Жизнь школы

Тәрбие жұмысы бойынша жүргізілген

жұмыстар

Мақсаты:

ХХІ ғасырдағы рухы жоғары өркениетті елдің жастарына патриоттық тәрбие беру.

Міндеті:

-Өзінің тәрбиелеушілеріне бар мүмкіндігінше білім алуға көмектесу;

-Танымдық қызығушылықтарын және сынып ұжымының танымдық іс- әрекеттерін дамытуға атсалысу.

1.Қазақстандық патриотизм және азаматтық тәрбие, құқықтық тәрбие бойынша төмендегідей жұмыстарды атап өтуге болады:

1 қыркүйек күні безендірілген мектеп алаңында «Менің Отаным-Қазақстан» тақырыбында алғашқы қоңырау салтанатты жиыны өткізілді. Жиынға мектептің барлық ұстаздары, оқушылары және ата-аналар қатысты. Мектепке жиын қонағы ретінде Қонаев ауыл әкімі Тұрсынұлы Зият,ауыл азаматтары,зейнеткер ұстаздар т.б келіп, сөз сөйледі. Жиын талапқа сай, жоспарлы түрде өтті.

Жиыннан кейін 1 сыныптарға – «Менің Отаным – Қазақстан» тақырыбына өткен Бірінші Білім сабағында әрбір бірінші сынып оқушысына Қазақстан Республикасының Президенті Н.Ә. Назарбаевтың «Менің Отаным – Қазақстан» кітабын сыйға тарту етілді.

1-4 сыныптар – «Менің Отаным – Қазақстан» тақырыбына Білім сабағын өткізсе,5-8 сыныптарда – «Қазақ халқының ерлік істері» тақырыбына Ерлік Сабағы ,9-11 сыныптар арысында – «Мәңгілік Ел: бір ел – бір тағдыр» тақырыбына Бейбітшілік және келісім тақырыптарында тәрбие сағаттары өтілді.

2. Рухани-адамгершілік тәрбиесіне де мектепте көп көңіл бөлінеді. Осы бағытта 5 қазан мұғалімдер күніне арналған «Ұстаз аты –биік,әрі мәңгілік» тақырыбында салтанатты жиын өткізілді. Зейнеткер ұстаздарды салтанатты жиынға шақырып, сыйлықтар табыс етілді.Концерттік бағдарлама жоғары деңгейде өтті.

3. Ұлттық тәрбие аясында14-26 қыркүйек аралығында «Тілім тірлігімнің- айғағы» тақырында тіл мерекесі апталығы өтті. Жоспар бойынша тақырыптық кештер,фестивальдар,конференциялар,әдеби-сазды кештер өткізілді.

Қараша айында 5-6 сыныптар арасында «Қазақ халқының мәдениеті мен дәстүрлері «тақырыбында ашық тәрбие сағаттары өткізілді.

4. Салауатты-өмір салтын қалыптастыру бағытына келетін болсақ, қыркүйек айының басынан бастап таңертеңгілік жаттығулары сағат 8.00-де өткізіліп келді. Мектепте спорттық 3 үйірме жұмыс істейді. 2 үйірме футболдан, 1 үйірме волейболдан. Дене шынықтыру пәндері стандартқа сай оқушылардың сабақ кестесіне қойылған.

7-қыркүйек күні мектепте «Денсаулық күні» өтті. Ортақ жиын жасалынып, мектеп медбикесі салауатты-өмір салтын сақтау туралы баяндама оқыды.Жоғарғы сыныптардың «Спорттық би» қойылымдарын тамашалағаннан кейін, дене жаттығу жасалынды. Бастауыш сыныптарда қимыл-қозғалыс ойындары, ал орта және жоғары сыныптарда көңілді жарыстыр, спорттық ойындар ұйымдастырылды.